വീഡിയോ എഡിറ്റിംഗ് ഇനി ചാറ്റ് ചെയ്യുന്നത് പോലെ സിംപിൾ! ജെമിനി ഒമ്നി മാജിക് ഇപ്പോൾ ഗൂഗിൾ വിഡ്സിൽ

ഗൂഗിളിന്റെ എഐ അധിഷ്ഠിത വീഡിയോ നിർമ്മാണ പ്ലാറ്റ്‌ഫോമായ ഗൂഗിൾ വിഡ്‌സിലേക്ക് (Google Vids) രണ്ട് പുത്തൻ ഫീച്ചറുകൾ അവതരിപ്പിച്ചു. ഒരേസമയം അതിവേഗത്തിൽ മികച്ച നിലവാരമുള്ള ദൃശ്യങ്ങൾ നിർമ്മിക്കാൻ സഹായിക്കുന്ന ‘ജെമിനി ഒമ്നി’ (Gemini Omni) എഐ മോഡലും, ഒപ്പം ഉപയോക്താക്കളെപ്പോലെ തന്നെ തോന്നിപ്പിക്കുന്ന ‘പേഴ്സണൽ അവതാറുകളുമാണ്’ (Personal Avatars) ഗൂഗിൾ ഇപ്പോൾ ലഭ്യമാക്കിയിരിക്കുന്നത്.

വെറുമൊരു സാധാരണ ടെക്സ്റ്റ് പ്രോംപ്റ്റ് നൽകിക്കൊണ്ട് തന്നെ ഹൈ ക്വാളിറ്റി വീഡിയോ ക്ലിപ്പുകൾ നിമിഷങ്ങൾക്കകം നിർമ്മിച്ചെടുക്കാൻ ഇനി ജെമിനി ഒമ്നിയിലൂടെ സാധിക്കും. ഒരു വീഡിയോ തയ്യാറാക്കിക്കഴിഞ്ഞാൽ, അതിൽ വരുത്തേണ്ട മാറ്റങ്ങൾ ഓരോ സ്റ്റെപ്പായി എഐയോട് ചാറ്റ് ചെയ്തുകൊണ്ട് തന്നെ തിരുത്താൻ സാധിക്കും. പരമ്പരാഗത എഡിറ്റിംഗ് ടൂളുകളുടെ സഹായമില്ലാതെ തന്നെ മികച്ചൊരു വീഡിയോ ഇതിലൂടെ പൂർത്തിയാക്കാം.

ഈ അപ്‌ഡേറ്റിലെ ഏറ്റവും ആകർഷകമായ ഫീച്ചറുകളിൽ ഒന്നാണ് ‘പേഴ്സണൽ അവതാറുകൾ’. നിങ്ങളുടെ രൂപഭാവങ്ങളും ശബ്ദവും (Looks & Sounds) കൃത്യമായി അനുകരിക്കുന്ന ഒരു ഡിജിറ്റൽ അവതാർ സെറ്റ് ചെയ്യാൻ ഇതിലൂടെ സാധിക്കും. അവതാരകനായി ക്യാമറയ്ക്ക് മുന്നിൽ നേരിട്ട് നിൽക്കാതെ തന്നെ, നിങ്ങളുടെ സ്വന്തം ശബ്ദത്തിലും ശൈലിയിലും പ്രൊഫഷണൽ വീഡിയോകൾ നിർമ്മിക്കാൻ ഈ ഫീച്ചർ സഹായിക്കും.

Summary: Google has updated its AI-powered video creation platform, Google Vids, by introducing “Gemini Omni” for high-quality video generation and step-by-step chat editing, alongside realistic “Personal Avatars.” This allows users to easily create and refine professional videos using simple prompts, and present them through digital twins that accurately mimic their own appearance and voice.