എഐ നിർമ്മിത സിനിമകൾ ഇനി കാണേണ്ട! ജനറേറ്റീവ് എഐക്ക് വിലക്കുമായി സെന്റ് ലൂയിസ് ഫിലിം ഫെസ്റ്റിവൽ

ജനറേറ്റീവ് എഐ (Generative AI) ഉപയോഗിച്ച് നിർമ്മിക്കുന്ന സിനിമകൾക്ക് വിലക്കേർപ്പെടുത്തി പ്രമുഖ അമേരിക്കൻ ചലച്ചിത്ര മേളകൾ. സെന്റ് ലൂയിസ് ഇന്റർനാഷണൽ ഫിലിം ഫെസ്റ്റിവൽ (SLIFF), സെന്റ് ലൂയിസ് ഫിലിം മേക്കേഴ്‌സ് ഷോക്കേസ് എന്നിവയാണ് എഐ നിർമ്മിത സിനിമകൾ പ്രദർശിപ്പിക്കില്ലെന്ന് പ്രഖ്യാപിച്ചത്.

സിനിമാ നിർമ്മാണ സ്ഥാപനമായ ‘സിനിമാ സെന്റ് ലൂയിസ്’ (Cinema St. Louis) പുറത്തുവിട്ട നയം 2027 മുതൽ നടക്കുന്ന മേളകളിൽ പ്രാബല്യത്തിൽ വരും.

ടെക്സ്റ്റ് പ്രോംപ്റ്റുകൾ വഴി പൂർണ്ണമായ ചിത്രങ്ങളോ വോയ്സുകളോ പശ്ചാത്തലങ്ങളോ (Generative AI Visuals & Sound) നിർമ്മിക്കുന്ന സിനിമകൾക്കാണ് നിരോധനം. പരമ്പരാഗത ഡിജിറ്റൽ എഡിറ്റിംഗ് ടൂളുകളിലെ സാധാരണ എഐ സഹായങ്ങൾക്ക് വിലക്കില്ല. ഉദാഹരണത്തിന്, എഡിറ്റിംഗിലൂടെ വസ്ത്രങ്ങളുടെ നിറം മാറ്റുന്നതും മറ്റും അനുവദനീയമാണ്. എന്നാൽ ഒന്നുമില്ലായ്മയിൽ നിന്ന് ഒരു വസ്തുവിനെ എഐ വഴി പുതുതായി നിർമ്മിച്ചെടുക്കുന്നത് (Creation out of nothing) അനുവദിക്കില്ല.

ജാക്ക് സ്നൈഡർ നിർമ്മിച്ച് ഈ വർഷം പ്രദർശിപ്പിച്ച ‘അനോമലി’ (Anomaly) എന്ന ഹ്രസ്വചിത്രത്തിലെ വിഷ്വലുകൾ പൂർണ്ണമായും ജനറേറ്റീവ് എഐ ഉപയോഗിച്ചായിരുന്നു നിർമ്മിച്ചത്. ഇത് ഫിലിം മേക്കേഴ്സിനിടയിൽ വലിയ ചർച്ചകൾക്ക് വഴിവെച്ചു. എഐ മോഡലുകൾ ട്രെയിൻ ചെയ്യുന്നത് കോപ്പിറൈറ്റ് ചെയ്ത ഉള്ളടക്കങ്ങളിലാണ് എന്നതും, യഥാർത്ഥ കലാകാരന്മാരുടെ തൊഴിൽ നഷ്ടപ്പെടുന്നു എന്നതും ഇതിനെതിരെയുള്ള പ്രധാന വിമർശനങ്ങളാണ്. സാങ്കേതികവിദ്യ എഡിറ്റിംഗിന് സഹായിയാകാം, എന്നാൽ യഥാർത്ഥ മനുഷ്യന്റെ സർഗ്ഗാത്മകതയ്ക്ക് പകരമാവരുത് എന്ന നിലപാടിലാണ് ഫെസ്റ്റിവൽ സംഘാടകർ.

Summary: Cinema St. Louis has announced a new policy effective in 2027 that bans films generated from text-prompted AI visuals and sound from festivals like the St. Louis International Film Festival. While traditional AI assistance in digital editing remains permitted, the organizers intend to