“AI എടുത്ത സെൽഫി കണ്ടിട്ടുണ്ടോ? AI സ്വന്തം രൂപം ഭാവനയിൽ കണ്ടപ്പോൾ കണ്ടത് വിചിത്രമായ കാഴ്ചകൾ

AI അതിന്റെ സ്വന്തം ‘സെൽഫി’ എടുത്താൽ എങ്ങനെയിരിക്കും? ചാറ്റ് ജിപിടി (ChatGPT) ഉപയോക്താക്കൾക്കിടയിൽ ഇപ്പോൾ വൈറലായിക്കൊണ്ടിരിക്കുന്ന ഒരു പുതിയ ട്രെൻഡാണിത്. AI ഇമേജുകൾ അതീവ വ്യക്തതയുള്ളവയാണെങ്കിൽ, ഇവിടെ ഉപയോക്താക്കൾ ആവശ്യപ്പെടുന്നത് ഒരു ഐഫോണിൽ പകർത്തിയ, വെളിച്ചം കൂടിയതോ (Overexposed) ഫോക്കസ് കൃത്യമല്ലാത്തതോ (Blurry) ആയ ഒരു സാധാരണ സെൽഫിയാണ്.

ചിലർക്ക് ലഭിക്കുന്നത് തികച്ചും സാധാരണ മനുഷ്യരെപ്പോലെയുള്ള സെൽഫികളാണ്. എഐ തന്നെത്തന്നെ ഒരു മനുഷ്യനായി സങ്കൽപ്പിക്കുന്നു എന്നതാണ് ഇതിൽ ശ്രദ്ധേയം.

മറ്റ് ചില ഉപയോക്താക്കൾക്ക് ലഭിക്കുന്നത് മെറ്റാലിക് രൂപത്തിലുള്ള റോബോട്ട് മുഖങ്ങളാണ്. സിനിമകളിൽ കാണുന്ന തരത്തിലുള്ള റോബോട്ടുകളായി എഐ സ്വയം ചിത്രീകരിക്കുന്നു.

അല്പം വിചിത്രമായി തോന്നുന്ന വളർത്തുമൃഗങ്ങളുടെ രൂപത്തിലോ അല്ലെങ്കിൽ തിരിച്ചറിയാൻ കഴിയാത്ത നിഗൂഢ രൂപങ്ങളിലോ എഐ പ്രത്യക്ഷപ്പെടുന്നുണ്ട്. ഫോക്കസ് മാറുന്നതും വെളിച്ചം കൂടുന്നതുമെല്ലാം ഒരു യഥാർത്ഥ സെൽഫിക്ക് സമാനമായ ‘ഫീൽ’ ഈ ചിത്രങ്ങൾക്ക് നൽകുന്നു.

എഐ അതിന്റെ ഐഡന്റിറ്റി എങ്ങനെ കാണുന്നു എന്നതിനെക്കുറിച്ചുള്ള രസകരമായ ഒരു പഠനം കൂടിയായി മാറുകയാണ് ഈ ട്രെൻഡ്. ഓരോ വ്യക്തിക്കും വ്യത്യസ്തമായ രീതിയിലുള്ള ചിത്രങ്ങളാണ് ലഭിക്കുന്നത് എന്നത് ഇതിന്റെ കൗതുകം വർദ്ധിപ്പിക്കുന്നു.

Summary : A new viral trend among ChatGPT users imagines what AI would look like if it took its own selfie, generating everything from ordinary human-like portraits to robotic and surreal forms. The intentionally blurry and overexposed “phone selfie” style has sparked conversations about how AI might visualize its own identity and personality.